للشاعر الدكتور/مصلح الوهاس
يا صاحبي زادت علينا التفاكير
وتبدلت بالمر كاسات مجرا
وصاب الليالي بالحسابات تزوير
صارت ثوانيها علينا بشهرا
يا ما تحملنا هموم ومخاسير
في خدمة اللي بدل الود مكرا
تحالفت قومٍ على قل تفكير
ورموا بياض الثلج بالطين غدرا
قومٍ شرفها باعته بالدنانير
وقومٍ تعزك قربها رفع قدرا
غلطان يا معالج زجاجة بتجبير
كسر القلوب اقوى من الصخر شقرا
واختر صديقك في حصافة وتدبير
صديقك اللي لو على الجرح يبرا
واحذر من اهل الغدر حفارة البير
يغدر بمالك لو تفارقه شبرا
تبين الايام نفّاخة الكير
يحرق ثيابك لو تبللت عطرا
وتبين الوافين طلّابة الخير
ياقف مع اصحابه بخير وشرا
يا طير بلغ كل صدّاق يا طير
احذر من المكار لو قال شعرا.
